فرض کرو یہ جی کی بپتا جی سے جوڑ سنائی ہو
فرض کرو ابھی اور ہو اتنی،آدھی ہم نے چھپائی ہو

فرض کرو تمھیں خوش کرنے کے ڈھونڈے ہم نے بہانے ہوں
فرض کرو یہ نین تمھارے سچ مچ کے میخانے ہوں

فرض کرو یہ روگ ہو جھوٹا، جھوٹی پیت ہماری ہو
فرض کرو اس پیت کے روگ میں سانس بھی ہم پہ بھاری ہو

فرض کرو یہ جوگ بجوگ کا ہم نے ڈھونگ رچایا ہو
فرض کرو بس یہی حقیقت، باقی سب کچھ مایا ہو۔

ابنِ انشاء

میں سرابوں میں بھٹکتا رہوں صحرا صحرا
تم میری پیاس کو آئنہ دکھانے آؤ

اجنبیت نے کئ داغ دئے ہیں دل کو
آشنائ کا کوئ زخم لگانے آؤ

ملنا چاہا تو کئے تم نے بہانے کیا کیا
اب کسی روز نہ ملنے کے بہانے آؤ

زندگی تجھ سے ہر اک سانس پہ سمجھوتا کروں
شوق جینے کا ہے مجھ کو ، مگر اتنا تو نہیں

روح کو درد ملا ، درد کو آنکھیں نہ ملیں
تجھ کو محسوس کیا ہے ، تجھے دیکھا تو نہیں

سوچتے سوچتے دل ڈوبنےلگتا ہے مرا
ذہن کی تہ میں مظفر کوئی دریا تو نہیں

مظفر وارثی

آدمی سے ڈرتے ہو؟
آدمی تو تم بھی ہو، آدمی تو ہم بھی ہیں!
آدمی زباں بھی ہے، آدمی بیاں بھی ہے،
اس سے تم نہیں ڈرتے!
حرف اور معنی کے رشتہ ہائے آہن سے، آدمی ھے وابستہ
آدمی کے دامن سے زندگی ہے وابستہ
اس سے تم نہیں ڈرتے!

“ان کہی” سے ڈرتے ہو
جو ابھی نہیں آئی، اس گھڑی سے ڈرتے ہو
اس گھڑی کی آمد کی آگہی سے ڈرتے ہو!

پہلے بھی تو گزرے ہیں،
دور نارسائی کے، “بے ریا” خدائی کے
پھر بھی یہ سمجھتے ہو، ہیچ آرزو مندی
یہ شب زباں بندی، ہے رہ ِخداوندی!
تم مگر یہ کیا جانو،
لب اگر نہیں ہلتے، ہاتھ جاگ اٹھتے ہیں
ہاتھ جاگ اٹھتے ہیں، راہ کا نشاں بن کر
نور کی زباں بن کر
ہاتھ بول اٹھتے ہیں، صبح کی اذاں بن کر

روشنی سے ڈرتے ہو؟
روشنی تو تم بھی ہو، روشنی تو ہم بھی ہیں،
روشنی سے ڈرتے ہو!

شہر کی فصیلوں پر
دیو کا جو سایہ تھا پاک ہو گیا آخر
رات کا لبادہ بھی
چاک ہو گیا آخر، خاک ہو گیا آخر
اژدہام ِانساں سے فرد کی نوا آئی
ذات کی صدا آئی
راہِ شوق میں جیسے، راہرو کا خوں لپکے
اک نیا جنوں لپکے!
آدمی چھلک اٹّھے
آدمی ہنسے دیکھو، شہر پھر بسے دیکھو
تم ابھی سے ڈرتے ہو؟

ن م راشد

غموں نے بانٹ لیا ہے مجھے یوں آپس میں
کہ جیسے میں کوئ لوٹا ہوا خزانہ تھا

یہ کیا کہ چند ہی قدموں پہ تھک کے بیٹھ گئے
تمہیں تو ساتھ میرا دور تک نبھانا تھا

مجھے جو میرے لہو میں ڈبو کے گزرا ہے
وہ کوئ غیر نہیں یار اک پرانا تھا

]]> http://eye11.wordpress.com/2009/01/24/%da%a9%da%be%d9%84%db%8c-%d8%ac%d9%88-%d8%a2%d9%86%da%a9%da%be/feed/ 1 Um.Я http://eye11.wordpress.com/2008/08/19/%d8%aa%d8%ac%da%be-%d8%b3%db%92-%d9%85%d9%84%d9%86%db%92-%da%a9%db%8c-%d8%b3%d8%b2%d8%a7-%d8%af%db%8c%da%ba-%da%af%db%92-%d8%aa%db%8c%d8%b1%db%92-%d8%b4%db%81%d8%b1-%da%a9%db%92-%d9%84%d9%88%da%af/ http://eye11.wordpress.com/2008/08/19/%d8%aa%d8%ac%da%be-%d8%b3%db%92-%d9%85%d9%84%d9%86%db%92-%da%a9%db%8c-%d8%b3%d8%b2%d8%a7-%d8%af%db%8c%da%ba-%da%af%db%92-%d8%aa%db%8c%d8%b1%db%92-%d8%b4%db%81%d8%b1-%da%a9%db%92-%d9%84%d9%88%da%af/#comments Tue, 19 Aug 2008 17:59:18 +0000 Umar Faruki http://eye11.wordpress.com/?p=134 ]]>
تجھ سے ملنے کی سزا دیں گے تیرے شہر کے لوگ
یہ وفاؤں کا سلہ دیں گے تیرے شہر کے لوگ
کیا خبر تھی تیرے ملنے پہ قیامت ہو گی
مجھ کو دیوانہ بنا دیں گے تیرے شہر کے لوگ
تیری نظروں سے گرانے کے لیے جان حیات
مجھ کو مجرم بھی بنا دیں گے تیرے شہر کے لوگ
کہ کے دیوانہ مجھے مار رہے ہیں پتھر
اور کیا اس سے سوا دیں گے تیرے شہر کے لوگ

]]> http://eye11.wordpress.com/2008/08/19/%d8%aa%d8%ac%da%be-%d8%b3%db%92-%d9%85%d9%84%d9%86%db%92-%da%a9%db%8c-%d8%b3%d8%b2%d8%a7-%d8%af%db%8c%da%ba-%da%af%db%92-%d8%aa%db%8c%d8%b1%db%92-%d8%b4%db%81%d8%b1-%da%a9%db%92-%d9%84%d9%88%da%af/feed/ 2 Um.Я http://eye11.wordpress.com/2008/06/28/%d8%aa%d8%ac%da%be%db%8c-%d8%b3%db%92-%d8%a7%d8%a8%d8%aa%d8%af%d8%a7-%db%81%db%92%d8%8c-%d8%aa%d9%88-%db%81%db%8c-%d8%a7%da%a9-%d8%af%d9%86-%d8%a7%d9%86%d8%aa%db%81%d8%a7-%db%81%d9%88-%da%af%d8%a7/ http://eye11.wordpress.com/2008/06/28/%d8%aa%d8%ac%da%be%db%8c-%d8%b3%db%92-%d8%a7%d8%a8%d8%aa%d8%af%d8%a7-%db%81%db%92%d8%8c-%d8%aa%d9%88-%db%81%db%8c-%d8%a7%da%a9-%d8%af%d9%86-%d8%a7%d9%86%d8%aa%db%81%d8%a7-%db%81%d9%88-%da%af%d8%a7/#comments Sat, 28 Jun 2008 20:26:28 +0000 Umar Faruki http://eye11.wordpress.com/?p=132 ]]>
تجھی سے ابتدا ہے، تو ہی اک دن انتہا ہو گا
صدائے ساز ہوگی اور نہ ساز بے صدا ہو گا
ہمیں معلوم ہے ہم سے سنو محشر میں کیا ہو گا
سب اس کو دیکھتے ہونگے وہ ہم کو دیکھتا ہو گا
جہنم ہو کہ جنت جو بھی ہو گا فیصلہ ہو گا
یہ کیا کم ہے ہمارا اور ان کا سامنا ہو گا
ازل ہو یا ابد دونوں اسیر زلف ِ حضرت ہیں
جدھر نظریں اٹھاؤ گے یہی اک سلسلہ ہو گا
جگر کا ہاتھ ہو گا حشر میں اور دامن حضرت
شکایت ہو کہ شکوہ جو بھی ہو گا برملا ہو گا

جگر مراد آبادی

جگر مراد آبادی

]]> http://eye11.wordpress.com/2008/06/19/%d8%b7%d8%a8%db%8c%d8%b9%d8%aa-%d8%a7%d9%86-%d8%af%d9%86%d9%88%da%ba/feed/ 0 Um.Я http://eye11.wordpress.com/2008/06/19/%db%8c%db%81-%d8%ac%d9%88-%d9%82%d9%88%d9%84-%d9%88-%d9%82%d8%b1%d8%a7%d8%b1-%db%81%db%92-%da%a9%db%8c%d8%a7-%db%81%db%92/ http://eye11.wordpress.com/2008/06/19/%db%8c%db%81-%d8%ac%d9%88-%d9%82%d9%88%d9%84-%d9%88-%d9%82%d8%b1%d8%a7%d8%b1-%db%81%db%92-%da%a9%db%8c%d8%a7-%db%81%db%92/#comments Thu, 19 Jun 2008 19:52:37 +0000 Umar Faruki http://eye11.wordpress.com/?p=127 ]]>
یہ جو قول و قرار ہے کیا ہے
شک ہے یا اعتبار ہے کیا ہے
یہ جو اٹھتا ہے دل میں رہ رہ کر
ابر ہے یا غبار ہے کیا ہے
زیر لب اک جھلک تبسم کی
برق ہے یا شرار ہے کیا ہے
کوئ دل کا مقام سمجھاؤ
گھر ہے یا رہ گزار ہے کیا ہے
نہ کھلا یہ کہ، سامنا تیرا
دید ہے، انتظار ہے کیا ہے

]]> http://eye11.wordpress.com/2008/06/19/%db%8c%db%81-%d8%ac%d9%88-%d9%82%d9%88%d9%84-%d9%88-%d9%82%d8%b1%d8%a7%d8%b1-%db%81%db%92-%da%a9%db%8c%d8%a7-%db%81%db%92/feed/ 0 Um.Я http://eye11.wordpress.com/2008/05/06/126/ http://eye11.wordpress.com/2008/05/06/126/#comments Tue, 06 May 2008 15:07:46 +0000 Umar Faruki http://eye11.wordpress.com/?p=126 ]]> تین منظر

تصور

شوخیاں مضطر نگاہِ دید سرشار میں
عشرتیں خوابیدہ رنگِ غازہ ء رخسار میں
سرخ ہونٹوں پر تبسم کی ضیائیں جس طرح
یاسمن کے پھول ڈوبے ہوں مے گلنار میں

سامنا

چھنتی ہوئی نظروں سے جذبات کی دنیائیں
بے خوابیاں، افسانے، مہتاب، تمنائیں
کچھ الجھی ہوئی باتیں، کچھ بہکے ہوئے نغمے
کچھ اشک جو آنکھوں سے بے وجہ چھلک جائیں

رخصت

فسردہ رخ، لبوں پر اک نیاز آمیز خاموشی
تبسم مضمحل تھا، مرمریں ہاتھوں میں لرزش تھی
وہ کیسی بے کسی تھی تیری پر تمکیں نگاہوں میں
وہ کیا دکھ تھا تری سہمی ہوئی خاموش آہوں میں

فیض احمد فیض

منیر نیازی

بہت دن رہ لئے اس جسم میں‌ اب یہ ارادہ ہے
یہ گھر خالی کریں، اس شہر کو ویران کر جائیں

ہم ایسے لوگ ہیں اپنی جدائ کے سمندر میں
ہر اک ساحل کو لے ڈوبیں، نگر سنسان کر جائیں

سوائے اس کے ان سے وقت ِرخصت اور کیا کہتے
ہمارے خواب لوٹا دیں یہی احسان کر جائیں

ہمیں جو جانتے ہیں ان کی حیرت اور بھڑ‌ جائے
نہ جو جانتے ان کو بھی ہم حیران کر جائیں

فیض احمد فیض

آئیے عرض گزاریں کہ نگار ہستی
زہر ِ امروز میں شیرنی ِ فردا بھر دے
وہ جنہیں تاب ِگراں بری ِایام نہیں
ان کی پلکوں پہ شب ِروز کو ہلکا کر دے

جن کی آنکھوں کو روز ِصبح کا یارا بھی نہیں
ان کی راتوں میں کوئ صبح منور کر دے
جن کے قدموں کو کسی راہ کا سہارا بھی نہیں
ان نظروں پہ کوئ راہ اجاگر کر دے

جن کا دین پری ِو کزبو ریا ہے ان کو
ہمت کفر ملے، جرت تحقیق ملے
جن کے سر منتظر ِتحقیق ِجفا ہیں‌ ان کو
دست ِقاتل کو جھٹک دینے کی توفیق ملے

عشق کا سر ِنہان جان تپان ہے جس سے
آج اقرار کریں اور تپش مٹ جائے
حرف ِحق دل میں کھٹکتا ہے جو کانٹے کی طرح
آج اظہار کریں اور خلش مٹ جائے

فیض احمد فیض

تجھ سے‌ کس طرح میں اظہار تمنا کرتا
لفظ سوجھا تو معانی نے بغاوت کر دی

میں تو سمجھا تھا کہ لوٹ آتے ہیں جانے والے
تو نے جا کہ جدائ میری قسمت کر دی

مجھ کو دشمن کے ارادوں پہ بھی پیار آتا ہے
تیری الفت نے محبت مری عادت کر دی

پوچھ بیٹھا ہوں تجھ سے ترے کوچے کا پتہ
تیرے حالات نے کیسی تری صورت کر دی

کیا ترا جسم ترے حسن کی حدت میں جلا
راکھ کس نے تری سونے کی سی رنگت کر دی

احمد ندیم قاسمی